![](https://nowhindustan.in/wp-content/uploads/2024/08/WhatsApp-Image-2024-08-18-at-21.02.33_6f6e03d1.jpg)
NOW HINDUSTAN बालकोनगर, 12 फरवरी 2024। वेदांता समूह के कंपनी भारत एल्यूमिनियम कंपनी लिमिटेड (बालको) हर समुदाय म लइका मन के चेहरे म मुसकान लाय बर अपन सलाना “विश ट्री” अभियान के सफल आयोजन ल करिस। ए पहल खुटिहार समुदाय म आर्थिक रूप ले कमजोर परिवार के लइका मन के ‘उपहार इच्छाओं’ ल सकेल के वोमन बर बालको के समरपित कर्मचारी के सेवा भावना ले पूरा करे गइस। लगातार तीसर बच्छर म समुदाय म खुसी ल बड़ावा देने के खातिर समरपित पहल म 15 ले जयादेच गांव के सुग्घर भागीदारी देखे गइस।
“विश ट्री” अभियान के तीसर संसकरन ल अब्बड़ सराहे गइस हावे। बालको के प्रचालन क्षेत्र के आसपास के समुदाय अउ गांवों कति ले 400 ले बनेच ‘उपहार इच्छाओं’ ल एकट्ठा करे गइस। 250 ले बनेच बालको कर्मचारी मन अपन मन ले आघू आके देहे-बाहटे के संस्कृति ल बढ़हाय बर आघू आइन। ए इच्छा मन बिसेस रूप ले 3 ले 10 बच्छर के लइका मन कति ले आए रहिस। लइका मन अपन इच्छा म पेंसिल डब्बा, खिलउना कपड़ा, इसकूल बेग ले लेके जूता अउ अन्य जरूरी चीज ल जोरे रहिन। बालको के कर्मचारी मन नीजी रूप ले उपहार ल बहाट के इच्छा मन ल पूरोइस अउ संतुष्टि के भावना ल अनुभव करिन।
बालको के मुख्य कार्यकारी अधिकारी अउ निदेशक श्री राजेश कुमार हर कहिस के – “कंपनी अपन सामुदायिक बिकास पहल के माध्यम ले अपन खुटिहार समुदाय के जीवन म सकारात्मक प्रभाव बर अपन बचन म अटल हावे। लइका मन ल हमर भबिष्य के निर्माता के रूप म पहिचानत हमन वोमन के क्षमता के पोसन के महत्वपूर्ण भूमिका ल समझत हावन।
हमर पहल परिबरतन लाय के लक्ष के संगे म समुदाय के समग्र बिकास बर केंद्रित हावे। सामुदायिक बिकास के परिबरतनकारी दृष्टिकोण ल अपनात हमन समुदाय मन के उतथान अउ ससक्तीकरण के दिसा म सक्रिय रूप ले काम करत हावन। कई ठन पहल के माधयम ले बालको वेदांता समूह के चेयरमैन अनिल अग्रवाल के दृष्टिकोण समुदाय ल वापिस लऊटाये के संस्कृति ल बढ़ावा देने बर कटिबद हावे।
“चुईया के सरपंच शिवराज सिंह हर विश ट्री पहल के सराहना करत कहिस के – “बालको अपन समुदायिक काम ले समुदाय ल अपन ले जोरिस हावे। बालको के पहल ले हमर समुदाय के लइका मन ल ससक्त बने के अवसर मिले हावे। ए अभियान के माधयम ले वोमन के इच्छा पूरा होइस अउ वोमन ल प्रोत्साहित तको करे गइस हावे। युवा मन के उतरोत्तर परगति म बालको हर अपन दृष्टिकोण ल मजबूती प्रदान करत समुदाय म सकारात्मक प्रभाव पईदा करत हावे।
‘विश ट्री’ पहल के संगे म बालको कर्मचारी प्रोजेक्ट कनेक्ट के माधयम ले खुटिहार लइका मन ल गुणवत्तापूर्ण सिक्षा बर मदद करत हावे। 2016 के बच्छर म सुरू ‘परियोजना कनेक्ट’ के उद्देस्य खुटिहार बिद्यार्थी मन के जीवन म विज्ञान, अंग्रेजी, गणित अउ लेखा (एसईएमए) म गुणबत्तापूर्ण सिक्षा खातिर समुदाय के जरूरत ल पूरोय के हावे। परियोजना हर बिसेस रूप ले बालको के कर्मचारी मन अउ स्वयंसेवी गुरुजी मन के सहयोग ले बिद्यार्थी मन के ग्रेड म सुधार, गुरूजी मन के क्षमता निर्माण अउ करियर परामर्स बर एक सक्षम बातावरण बनायके सरकारी इसकूल मन म सीखे के माहौल म सुधार लाने बर केंद्रित हावे। बालको अपन सामुदायिक बिकास काम मन के माधयम ले क्षेत्र के 123 ठन गांव के करीबन 1.5 लाख मन के जीवन म बदलाव लात हए ।-